小初上個禮拜六提過鈞濠（115）同埋噚日嘅偉栢（491）會有得炒，但居然自己都冇上到車，眼光光睇住人哋玩，睇嚟小初都要改一改師奶炒股嘅心態先至搵到食。
小初噚日正在谷到一肚氣之際，經紀陳打電話嚟，叫小初留意一吓華利資源（1215），佢話同一個老闆嘅國中控股（202），最近請咗一批前聯交所同證監會嘅猛人加入，市場傳聞兩間公司可能會有個關連交易，要密切留意華利資源。
睇番資料，原來老闆上個星期減持咗接近４巴仙股票，令隻股跌穿5仙水平，一般投資者好難同人哋玩喎。不過，噚日隻股微升2.2％，收4.7仙，走勢好咗啲。
至於國中與華利資源會搞啲乜？經紀陳話傳聞國中將旗下證券生意注入，然後華利資源就會變身做金融經紀公司。
咁樣算唔算好消息？小初唔清楚，總之最緊要有得炒。