梁漢文、張衞健、蘇永康及李燦森等，前晚在香港理工大學賽馬會綜藝館出席電腦動畫《冰河世紀》首映，而吳岱融與鍾淑慧一家三口亦有露面。
梁漢文的去向最近成為焦點，對於決定簽哪一間新唱片公司，他說：「我想等《齊天大聖孫悟空》出咗街先決定，我希望簽間海外公司，方便發展海外市場。」梁漢文亦表示早前向朋友借貸的款項已還清，他說：「我早排頻頻返內地登台，所以都賺到錢還番朋友。」
另外，早前有報道指有歌手吸毒，蘇永康對此說：「靚聲唔係得我一個，我潔白過一張白紙，三十幾歲人唔通唔知乜嘢叫毒品，我唔食煙點會食大麻！」
採訪、攝影：駱華齡