今時唔同往日，自助形式美食廣場已經唔止快夾平咁簡單，重要講埋食物質素，位於機場富豪酒店新開的自助美食坊，就集合以上三個要求，以抵食價推出數十款具備酒店水準的京滬、西、日式美食，以後去到機場可以食得舒舒服服，唔使再同人迫啦！
記者：黃婉冰 攝影：陳穎
牛脷串燒$5/串（上）
牛肉串燒$10/串（左）
雞肉串燒$5/串（右）
原有的日本餐廳改成美食廣場一部分，主要供應各式串燒、拉麵、鐵板燒及壽司、刺身，其中串燒分量比普通日本料理店多，即叫即燒，要食請稍等。
生煎牛肉包$10/兩個（上）
芝麻煎大餅$12/四件（下）
葱油花卷$5/兩個（右）
京滬美食有飯有點心，唔想食飯又想頂得吓肚，地道的包點如生煎牛肉包、葱油花卷全都保持酒店水準，煎大餅外皮香脆，分量不多，做下午茶或再配其他點心都適合。
糖醋排骨飯$20
京滬客飯雖未至於做到即叫即炒，但仍能保持熱辣辣上碟，經典菜式糖醋排骨，酸甜味正好刺激一下提不起勁的胃口，另加$5重可以品嘗老火靚湯一碗。
店名：空港屋台村
電話：22866668
地址：赤鱲角暢達路9號富豪機場酒店地下