「唔知咁大鑊！」協助破開單位大門而揭發情殺案的鎖匠鄧師傅，在踏上血路及目睹死屍時，一度以為是劏狗及老人家病死，及後警方找他落口供時才如夢初醒，回想屋內情景仍不寒而慄，他稱幸好未有做虧心事，總算心安理得。
五十歲的鄧在兇案現場附近開設門鎖店舖，他憶述揭發事件經過時稱，昨下午一時許，一名女子到其店舖找他開門，兩人到達現場後，因門鎖堅固，他花了一個小時才打開鐵閘及大門。
入屋後發覺家具凌亂，客廳地上有一攤血迹，一頭拉布拉多犬在大廳內，他心想「唔通劏狗？」當時屋內無人，兩間睡房其中一間房門半掩，推開發覺亦無人在內，女子要求他將另一間房門開啓，當他推開房門約一呎時發覺門後似有物件頂着房門，從半開的房門窺見一名男子僅穿內褲卧在地上。
他續稱，當時第二次心想「可能死咗個老人家啫」，就同女子表示「你搞掂佢啦！」收取開了三把鎖共五百元便離開，但在樓下碰見警員，心中即時起懷疑，愈走愈驚，回到舖頭不久便有警員找他落口供，方知發生兇案。「自己冇做壞事，唔使驚！可能做咗好事㖭，開門快咗可以救人！」鄧師傅為求心安理得，事後在舖前焚燒冥鏹。
本報記者