早前，亞Mark曾經同大家提過，話日產代理會引入Facelifted新版Gloria；正當言猶在耳之際，最近就有探子同亞Mark講，話新版Gloria經已秘密抵港，據聞售價更會與舊有型號相近㖭。嘩！以唔使40萬嘅價錢，就可以擁有一部備有令賣相變得更辣嘅全新頭燈組合、車廂設備全面升級，同埋有成280匹馬力輸出嘅豪華轎車噃，果然真係瞄頭十足。若然你正想改以一部高性能豪華轎車作座駕的話，新版Gloria的確係一個唔錯嘅選擇。另外，亞Mark亦打聽得到，日前我哋曾作介紹嘅新款小車March，代理亦有意引入，睇嚟今年嘅車市又會有一番龍爭虎鬥喇。