美聯物業今日公布業績，不但股東關心，連同行嘅中原地產亦好緊張，因為要「知己知彼」；另一個原因係記者睇完美聯條數，都會問埋中記，做吓比較，所以中記噚日就要做定業績畀老闆，等記者問時有得答。
至於中原，已經可以填番2月嘅赤字，因為做多咗佣金高嘅一手代理，而二手代理又唔差。
首自置客變成樓市主流已有一段日子，香港專業地產顧問商會副會長李峻銘說，過去兩周，首自置客已佔咗市場成交嘅60.3%，如果政府批核慢啲，樓市便會受到影響。但過去3年，每年有4個月時段，政府會放慢批核速度。該會呼籲政府應盡快落實同實施首自置合併後嘅安排，以免對樓市造成困擾。
由裕泰興有關人士發展嘅灣仔軒尼詩道99號，賣點之一係有空中花園，反映環保不是住宅專有。