林嘉欣與張國榮合演的《異度空間》在復活節檔期推出，為了製造驚嚇度，靚女林嘉欣不惜以爛面造型以作招徠，她在戲中飾精神病患者，需要接受張國榮所飾的心理醫生治療。
張國榮與林嘉欣主演的驚嚇電影《異度空間》，將於復活節檔期推出，與同期的幾套港產片，包括謝霆鋒的《戀愛行星》、陳冠希主演的《想飛》和劉德華的《藍血人》對撼。
林嘉欣在《異》片飾演一位精神病患者，並接受張國榮所飾演的心理醫生治療，但最後張國榮因為長期被鬼騷擾，令他發現自己精神才有問題。
星皓對《異》片十分重視，有意於本周六晚在港威戲院舉行一場試映，負責該片宣傳的何錦華說：「自問夠膽量嘅觀眾，到時可以到場睇呢部戲，而我哋都想睇吓外間有乜反應。遲吓會喺紅磡海底隧道換一張林嘉欣爛面嘅恐怖大廣告牌，希望啲市民睇到唔會引起不安啦！」
林嘉欣接拍此片之前，監製爾冬陞曾安排她到精神病院了解精神病患者的動態，希望有助她投入角色，嘉欣昨日說：「我去到精神病院之後，啲工作人員走鬼晒，只留番我一個人喺度對住啲病人，當時我真係好驚，驚到幾乎喊咗出嚟，因為以前從未試過一個人面對呢啲場面。不過嗰晚我睇完劇本都好感動，諗唔到結局會咁慘。」
此外，林嘉欣昨日到新城電台接受訪問，對於被記者追問與方力申的緋聞時，她說：「呢啲梗係流料嚟啦，我同方力申只係朋友關係，而且我唔鍾意細過我嘅男仔，𠵱家我都係以事業為重。」