跨境有組織罪行研討會首次在香港舉行，唔少外國執法機構重量級人馬都畀面來港出席。警隊一哥曾蔭培面對眾貴賓，似乎顯得好興奮，喺開幕禮致辭時，一開始就爆肚，話自己朝早出門口時，差啲唔記得戴上代表香港嘅飛龍襟章，好彩佢大佬（政務司司長曾蔭權）提醒佢喎。一哥呢招硬銷恰到好處，在場嘉賓聽到都忍唔住笑。
講到跨境合作嘅重要性，一哥就舉咗單多年前香港警方同澳洲警方合作，成功偵破跨境販毒集團，最終令四十二名罪犯被捕嘅案件做例子，重話當年佢都有份破案㖭。自己講番自己嘅威水史，係特別有說服力嘅！
E-mail：