星期五屯門交通黑暗日，幾萬人喺旺角流連，等屯門公路回復通暢先返屋企，月餅場嘅功夫Ｌ話當晚生意隨即飆升，附近食肆爆晒棚，十足十97好景時。
功夫Ｌ話月餅場最近掂番，管理公司肯配合改善確唔同。可惜某啲舖頭仍唔爭氣，未能齊心上位。例如遲開舖，商場門口煲煙趕客唔在講，最大鑊係有舖頭唔生性賣假貨。
原來頂樓有間波鞋舖靜靜雞賣假關刀，八百蚊對彩虹燈賣通全場，日本仔都中招。功夫Ｌ：「家陣啲舖頭好醒，唔會成間舖賣假貨，七成真鞋三成假，重要跟巿價賣，啲客好易賴嘢！」
「個場啱啱先好番，連日本仔都慕名而來，點知班友仔竟然賣假嘢，如果傳開去，變成老翻場就冇得救。」功夫Ｌ原本想轉賣波鞋，𠵱家都要睇定啲。
如果個場立心行中上檔路線，假貨問題一定要關注，否則變成假貨場就冇得返轉頭。
主持人：大食Jack
八卦熱報：