全國政協副主席霍英東話會贊成李超人做政協副主席，八方聽吓就算，但係有人就好認真咁對待。瑞銀華寶董事總經理林奮強專登出咗份報告（圖），話如果超人做「國家領導人」，會辭任長實同和黃主席職務，對兩間公司短期嚟講有負面影響，長期嚟講則係中性。
林奮強都有注意到李超人翌日已向記者否認此事，但係佢話超人只係講十幾次「冇呢回事」，而唔係講「我唔會做」。
林奮強重話李超人在香港影響力同代表性都爆燈，香港成個社會同特首董建華都會希望佢繼任安子介遺缺。林奮強睇地產股一向好準，上個禮拜又再攞AsiaMoney嘅「最佳香港地產分析員」獎，呢次真係信不信由你。不過，超人咁嘅年紀退休唔做主席亦好正常，到時，冇咗生意嘅顧慮，又真係可以做吓領導人。
E-mail：