各位準會考生注意，2002年度香港中學會考已經殺到埋身！隨着各學校MockExam的舉行，相信同學都已進入高度備戰狀態，雖說5月才是會考的高峯期，但喺呢個零月嘅考試準備工作，先至係大家能否取得好成績的關鍵！最後溫習時間應該點樣運用、會考前心理應該點預備、讀書貼題目又有乜嘢心得……？𠵱家網上面有咁多學習資源，今日就教大家點樣好好運用！
記者：朱崇德 ImageGirl：Janice
準備篇
網站名稱：會考寬頻
網址：
有多年會考生輔導經驗嘅香港青年協會，為各同學開設了一個「會考寬頻」的輔導網站，教授一些溫習時間表安排、應試交通安排、如何利用最後時間溫習及會考時腦海一片空白的處理方法等應試心得。內容勝在實戰經驗豐富，第一次參加會考嘅同學記住上去吸收前人心得。
網站名稱：香港考試局
網址：
讀緊嗰本參考書有冇超出會考課文範圍？會考當日打風點算好？唔使問同學攞啲二手料啦！香港考試局嘅官方網站，詳列「考試規則」同「考試課程範圍」，熟讀之後就唔會盲摸摸！
網上導讀
網站名稱：維克托百科全書
網址：
語文科成績直接影響到升讀中六同入大學的機會，一定要畀啲心機讀。呢個維克托百科全書網站，就着中國語文的會考課文，作詳盡深入嘅分析，例如課文內容、寫作手法、每課主旨、修辭手法、會考作文、歷屆會考試題及體裁作者，簡直係一本網上免費嘅「雞精書」。
網站名稱：GRAMMARBYTES
網址：
香港學生讀英文嘅最大通病，就係文法上嘅問題，由外國人編寫嘅GRAMMARBYTES網站針對英文文法嚟教學，最正係InteractiveExercises，就各種文法技巧分門別類成為一個練習單元，問題則以選擇題形式作答，答啱答錯都有詳盡嘅解釋，好過大家狂做PassPaper對MarkingScheme。
溫習篇
網站名稱：exam-a.com
網址：
呢個exam-a.com網站依據學科細分為一個個討論區，除可提出溫習上的疑難外，當你溫書溫到咁上下，更可考驗一下自己實力，嘗試解答他人的提問，網站會有分Grade嘅評分，等你知道自己實力如何。
網站名稱：會考全動網
網址：
原本呢個都係學科討論網，不過近期有啲同學貼出交換Mock卷（免費）嘅留言。現時好多可下載Mock卷嘅網站都要收費，雖只是十元八塊，但Mock卷種類繁多，加埋都唔少嘢。趁住現時大部分學校剛考MockExam，大家不妨上嚟碰碰運氣。
輕鬆篇
網站名稱：MissKyokoLee
網址：
如果讀書讀到悶悶哋，不妨玩啲MiniGame調劑吓心情，網站MissKyokoLee，係由一個現職老師開設，有一啲MiniGame供免費下載，最正係內裏遊戲全不涉及暴力成分！例如《雪人》及《UNO》等Flash遊戲，前者夠輕鬆，每局時間又短；後者就可以考驗同學的腦筋！果然是老師推介。