喺今屆日內瓦車展上，來自世界各地嘅車廠，都紛紛展出各式各樣嘅新車，以吸引車迷注意；而快意車廠亦於車展會場內，展出咗最新嘅Ulysse，務求可以在MPV車市場當中爭取一席位。
快意Ulysse獨特嘅車首造型，加上頗有神氣嘅頭燈組合，從而令新車嘅賣相變得更富吸引力，而開啟幅度甚大嘅尾門，配合其低地台設計，上落行李亦見方便。車廂空間又見寬敞，加上承托力甚豐嘅座椅，乘坐倍見貼服舒適；而設備配搭齊全，使用時亦見方便。同時，廠方亦為選擇Ulysse嘅用家，提供多台引擎作選擇，當中包括有2.0公升直4型號（馬力136匹），以及一台3.0公升V6引擎（馬力204匹），用以驅動此車可謂綽綽有餘。