財政司司長梁錦松，雖然係銀行家出身，但也有平民化一面，他會四圍捐尋找地道美食。
有日八方和阿松傾開食經，記得曾經報道過，阿松一完成推銷財政預算案的工作後，便到跑馬地蓮園吃晚飯。阿松向八方推介，盛讚那裏的「葱花炸兩」實在美味。他又說翠華的食物不錯，阿松的新聞秘書Raymond譚更稱他們最愛吃那裏的魚蛋粉。八方介紹阿松去皇仁書院附近的一家店吃清湯腩，原來阿松早已品嘗過。反而Raymond未去過，阿松隨即做「嚮導」，說該舖在天后地鐵站旁，駕車在邊條邊條街入就找到。
八方問阿松有否嘗過廟街的街邊煲仔飯，阿松話未試過，不過年輕時就曾在廟街找裁縫訂做喇叭褲，皆因在舖頭做褲很貴，廟街就平好多。平幾多？幾多錢一條？阿松就笑言：「記不起了，因為都是六十年代的事。」
E-mail：