楊千嬅和吳彥祖前晚在九龍塘的采蝶軒出席電影《新紮師妹》的慶功宴，慶功宴筵開八席，每席五千元。對於新片票房有佳績，千嬅感到很開心。
《新》片開畫一周已有七百萬的票房，千嬅說：「有呢個成績好開心，我呢排忙於拍電影，都好耐冇見過媽咪，自己好似移咗民咁。」有報道指千嬅暗戀吳彥祖，她笑言：「我都冇講過，好似啲雜誌寫劇本畀我演，但我唔演做番自己，寫嚟寫去好悶。」
問到千嬅日後若跟舊愛鄭中基合作可介意，她說：「唔介意，但如果做情侶好悶。」提到鄭秀文獲提名金紫荊的最佳女主角，千嬅說：「我都希望拍一套代表作，但呢啲要講緣分。」
此外，吳彥祖繼續否認跟千嬅的緋聞，問他可有留意羅兆輝近日的新聞？吳彥祖說：「我唔識中文，冇聽亦冇睇，就算睇咗都唔知講乜。」
採訪：何永寧
攝影：仇志德