剛過去嘅周末同周日，香港班車迷真係好唔得閒，事關德國兩大品牌嘅平治同寶馬，分別有大型車展同試車活動；而當中備受注目嘅，當然會係平治新E-Class嘅預售啦！皆因代理嘅定價，會直接影響到一眾水貨車行嘅生計嘛！亞Mark聽聞平治代理嘅三日車展中，經已收到唔少人客嘅訂單，其中又以E320同E500至為買家追捧㖭！咁又係嘅，部新車有咁大改動，但只將原有售價略為提高，加上據聞新車快者可在年中抵埗，又難怪有咁多Fans想早日擁有佢啦！之不過，相對於部分重有舊款E-Class存貨嘅水貨車行嚟講，就真係慘情喇！唯一解決辦法自然係減價求售，否則呢批蟹貨，真係唔易搵人承接㗎！