《E.T.外星人》是導演史提芬史匹堡的童年映照，電影成功將外星人刻劃成善良的外太空生物，其理念對現代人看外星人有一定的影響。20年後再公映，小記覺得最值得欣賞除了是電腦加工之外，絕對不能不提相應的電影精品，皆因產品製造技術一定比以前進步，全部產品識郁識講重可互動任玩，現今的小朋友的確比二十年前幸福！
記者：許穗齡 攝影：陳偉強
一批外星人到訪地球，當中一位成員卻意外地走失，並得到男主角伊利諾收留於家中。伊利諾對這外生物深感好奇，兩人由最初的言語不通，到後來逐步建立了深厚的感情，但在能順利溝通之後，伊利諾發現E.T.其實想返回自己的家鄉，最後伊利諾更協助E.T.躲避國家特務的追捕，護送E.T.返回自己所屬的星球。
公映日期：3月28日
要數電影中最經典難忘的一幕，當然是男主角用單車帶着E.T.逃亡飛上半空的一段，就連小記無睇過都知道佢絕對係電影嘅精髓。今次二十周年紀念，就推出咗呢款膠製遙控單車，單車以後輪推動，可控制前後左右行駛，而男主角的腳更會隨單車行駛而郁動，當然就唔識得飛，不過都幾好玩。
要數可愛嘅電影精品，必定是這款絨毛公仔。卡通版E.T.造型比真實版可愛，而只要按其左手，就會用英語講出七句不同的說話，聲線都幾搞笑，而手臂內有鐵線，可任你擺出各種甫士。
初次曝光的不單只是這款玩具，而是電影中E.T.出浴的片段。話說礙於當年技術水平所限，主角伊利諾幫E.T.沖涼這一幕被迫刪去，導演深感可惜，決定於二十年後用數碼特技將此感人一幕重現。這款E.T.硬膠玩具就是以E.T.出浴為背景，5吋高的E.T.公仔身穿浴袍，重有少量配件，未有得睇都可以玩住先。
來自外太空的E.T.所乘坐的太空船，當然先進非常啦！不過玩具版亦毫不遜色，只要將E.T.公仔放入高7吋的太空船的正門中央，門就會自動打開，而船頂的燈更會閃個不停和發出聲響，太空船後更有一條秘密通道，點樣先打得開就有待各位自己發掘。
以今時今日的科技，玩具識發聲閃燈只屬普通料，今次E.T.系列就加入不少互動原素，增添玩家的樂趣。
同一系列的硬膠E.T.公仔（即太空船和浴袍E.T.等），手掌均裝有磁石，只要將E.T.的手放在另一同類公仔的額頭，佢條頸就會伸長，心口同指尖會發光，同埋會開始講嘢；若敵人（國家特務）做同樣的動作，E.T.公仔就只會不斷說"HomeHomeHome"，但不會發光，設計的確非常有心思。
皮禮士糖有和電影或卡通合作的習慣，如果你有收集開佢嘅產品，E.T.系列絕對係另一必買，今次一出重有兩款，一款是全啡色的E.T.，另一款則是披着紅巾的E.T.，兩款都做得幾逼真，由3月26日開始去GV同百老匯戲院買E.T.皮禮士糖，重送四排補充裝糖果㖭！
電腦技術發達除了令電影更好睇之外，亦令電腦迷有機會融入電影中的角色。UbiSoft今次一口氣推出了三隻E.T.Game，三款各有各精采。《E.T.AwayFromHomeAdventure》以捉棋為主，重可以幫E.T.換衫（需備Pentium2233,32MbRAM,3DDisplayCard）；另外一款《E.T.InterplanetaryMission》則為動作過關遊戲，以攻打怪物為主（需備Pentium2450,32MbRAM,3ddisplaycard）；最後一款為《E.T.TheExtraTerrestrial》以主角家中為背景，玩法以歷險、尋寶及解謎遊戲為主（需備Pentium2233,32MbRAM,3DDisplayCard）。
小記的經驗係通常趕住跟電影出嘅GAMEBOY遊戲都唔多精采，好似上一隻Toystory2就係一個好例子，玩咗一兩次已經放埋一邊。今次GAMEBOYADVANCE出嘅E.T.遊戲，是以故事為骨幹的動作遊戲，店員就話好玩程度只屬一般，不過就有最經典踩單車送E.T.走的一幕，都加番少少分數。
電影因當年攝影技術及科技唔夠先進而作加工，原聲大碟亦在同一情況下再以數碼混音，音色及其他音響效果當然更勝舊碟，不過就無加任何新歌，係咪抵買就自己衡量，價錢待定，各HMV即將有售。
各大玩具反斗城
查詢電話：27309462
皮禮士糖查詢電話：24399330
各GV戲院、百老匯戲院及玩具反斗城有售
高達電子公司（23861986）
深水埗黃金商場17號舖
UbiSoft
查詢電話：28868565