隨着特首董建華成功連任，行政會議將會有大革新，包括外間盛傳要拉攏立法會的親政府黨，組成「執政聯盟」，並委任代表加入行政會議，以保持在立法會有一定支持票數。不過，民建聯副主席葉國謙直言，即使政黨有代表在行會「說話」，「睇落去好似好掂」，但由於不夠票數影響決策，立法會立場卻要跟政府，既然「冇得益」，他相信成立執政聯盟的機會根本不大。
葉國謙又表示，曾鈺成作為民建聯黨魁，如果委任入行會卻不能影響政府，所以「睇唔到有咁嘅可能」，他說：「所以有人傳搵佢做教育部長，我覺得係謠言，冇可能。」對於有報道指民建聯已籌組換班，以配合曾鈺成出任部長，葉國謙否認此說：「根本冇呢一回事，至今我從未聽過曾鈺成會做部長，黨內亦未有任何部署。」
葉國謙接受本報訪問時，又指行政會議不可能出現執政聯盟，他說：「行會嘅決定權唔喺你班儍佬手，而係好大機會喺官僚度。舉手次次都輸，政黨又要跟住執行，（聯盟）根本行唔通。」他指出，就算在外國的執政聯盟都有不少問題，很多時是符合自己利益才聯盟，不符合就不聯盟。
葉國謙坦言，現時「阿譚（耀宗）都指唔到民建聯」，所以他們在行會沒有足夠票數，相信不會組成聯盟：「好似政府要大幅加稅，但我哋喺行會投票又輸。我哋要選舉㗎，民主黨咪反對，但我哋就要支持，於是我就鑊鑊跣晒，踩晒西瓜皮，下次選舉咪衰晒囉。」
另外，雖然高官問責制至今未有方案提交立法會討論，但對於當中具爭議性的罷免權問題，葉國謙已表明，立法會毋須擁有此權。他又相信，高官問責制下的部長，如果他們落區爭取民意，會較立法會議員受歡迎。
記者：許瓊霖