羅兆輝日前因為指劉鑾雄「同個個都唔啱」，引起大劉不滿，前日羅兆輝為此事親自向大劉道歉。昨日下午六時許，羅兆輝又再出動，他風騷地說：「我去買魚，養嗰啲。」
羅兆輝在三間水族館買了五大袋金魚，在他買魚期間，一名外籍男子甫見羅兆輝即爆粗說：「sonofthebitch！（狗養的）」而原本在水族館內的市民則嚇得雞飛狗走，並邊走邊說：「癲佬呀！」不過羅兆輝一於少理，並向記者說：「你哋唔好引起哄動，如果唔係會搞到旺角大塞車㗎！」
問羅兆輝昨日可有跟大劉聯絡時，他並沒有回答，並由司機擋駕，接載他返回何文田寓所。
此外，奀妹傅天穎昨日往天水圍出席一公開活動時，表示近日體重大大增加。問奀妹近日可有被羅兆輝事件影響食慾時，奀妹即說：「食得落！係人都知佢講嘅嘢係儍㗎啦！」
採訪：甘比、何永寧
攝影：何國豪