老愛國雲大棉除咗日日炮轟梁振英，衝擊董特首之外，最近重窒住誠哥，話做政協副主席唔係捐得多錢就做到，連誠哥都冇面畀，佢真沙膽。
雲老噚日返咗香港，同八方傾開，佢話做國家領導唔係小事，一定要對祖國有貢獻，霍英東當之無愧，因為當年打韓戰，中共被美國佬斷晒物資供應，霍英東唔怕死從中幫忙，實在有功。
至於李超人，就只係捐咗唔少錢返祖國，如果捐錢可當上政協副主席，咁邵逸夫捐咁多，咪要做主席，咁同清朝捐錢做官有乜分別？
雲老有佢嘅道理，但李超人可能覺得刺耳。邊個做政協其實由中共中央欽點委任，講都無謂，最緊要係誠哥肯唔肯戴呢頂帽，怕唔怕影響佢盤國際生意？
E-mail：