謝霆鋒花了九個多月時間籌備，投資過五百多萬元的Band房（NicMusicProduction），終在日前落成。Band房面積約二千呎，包括有錄音室、客廳、控制室、雜物房、兩個洗手間及開放式廚房，加上霆鋒為自己準備的被鋪，可謂一應俱全，是霆鋒繼自己和王菲的家外，另一個私竇。
原本霆鋒不欲將私竇公開，但為免別人誤以為Band房只是空殼一個，才決定將Band房曝光。
霆鋒說：「有啲人會諗，呢個Band房究竟係一個蒲竇，定係真係做嘢？我可以好肯定講，係做嘢。呢度亦係我一個投資，因為我會租畀人練歌，甚至錄音都可以，大概收番五千蚊一個鐘，或者係五萬蚊一日咁。」
霆鋒自言這個Band房是一項瞓身投資，因為他購置的MidasHeritagePanel，是目前私人錄音室中的頂級型號，價值四十多萬元，另加音樂器材和電腦等電子設備，總值過二百多萬元。若連Band房內的多重隔音設備，客廳和廚房設備及裝修等也計算進去的話，整個Band房總值更超過五百多萬港元。