方力申（Alex）、何韻詩及鄧健泓，昨日到商台出席「無煙無掛新一代」記者會。方力申對於有雜誌指他在大學內抽煙及講粗口，他坦率地直認自己在發脾氣時都會講粗口，但卻從不抽煙。
Alex說：「我都唔食煙，但遇到慶祝場合都會飲少少酒，唔會避忌。」至於有否講粗口，Alex則說：「粗口我識講，但我喺學校冇講過。我試過情緒激動時講過粗口，但都係講粗俗少少嘅說話，唔會問候人祖宗十八代，我唔會刻意做完美大男孩㗎。」
而何韻詩最近推出新碟，不到一星期已有金唱片銷量，賣出二萬五千張，她表示要請唱片公司同事吃飯，她謂如果賣出五萬張，則會請大家環遊世界，但只是到深圳的世界之窗。