羅兆輝個多星期前，才召開記者會力數楊受成不是，甚至要求好友劉鑾雄（大劉）為他主持公道，沒料到羅兆輝忽然轉變態度，揚言已向楊受成道歉之餘，更指大劉「同個個都唔啱」，令大劉為之氣結，於昨日跟羅兆輝當面對質。
羅兆輝結束其歐洲癲狂歲月返港，即召開記者會力數楊受成不是，沒料到羅兆輝前晚向記者自爆已經向楊受成道歉之餘，竟又狂踩一直對他呵護備至的好友劉鑾雄（大劉），指大劉跟許多人不咬弦，令人覺得羅兆輝三心兩意。
羅兆輝本月八日從巴黎返港，大劉特地派出十八名保鑣到機場保護，而羅兆輝因不滿有周刊刊登他私生子及他與友人的親熱照片，而要求大劉為他主持公道。
不過，羅兆輝這邊廂要求大劉主持公道，那邊廂卻又向楊受成道歉，前晚他在香港酒店大堂跟記者傾談，問他收購英皇大計如何時，他說：「冇啦，同楊生冇嘢啦，我同佢講埋sorry！」記者問他為何跟楊受成道歉？羅兆輝即說：「佢始終係老細，細嘅（指其下屬）好辛苦搵啲料返嚟，做老闆嘅冇理由唔登，所以我唔怪佢，我啲相俾人偷，相信唔係老闆指使，我會找偷相嘅人晦氣。」
當記者問到羅兆輝，近日的報道會否令身邊朋友疏遠他時，羅兆輝竟反轉豬肚狂踩大劉說：「我唔覺得會，喺香港，最好人緣嗰個係我，楊受成未必同個個啱，但劉鑾雄同個個都唔啱咁滯。」
羅兆輝原本聲稱昨日會到珠海傾生意，但最後決定取消，改為在昨日下午四時半左右，出發到香港酒店跟友人傾生意。
記者追問羅兆輝可知道大劉對他有所不滿時，羅兆輝說：「都冇問題，好小事啫，佢好大量，唔會嬲我！」其間，有人問羅兆輝何以主動找某人道歉時，他竟說：「我都驚㗎，話唔埋六、七個月後搵人『剁』我，ⅩⅩⅩ都有人照啦，咁都俾人搞！」
因為羅兆輝前晚一句「劉鑾雄同個個都唔啱」，大劉昨日下午親到香港酒店，跟羅兆輝對質，二人並於下午六時許，在酒店召開記者會澄清。
原本羅兆輝想反口表示沒有提及有關字眼，但當記者給他收聽前晚他的錄音片段後，羅兆輝即顯得坐立不安，在記者會上如「鵪鶉」般坐在大劉身旁，並飲水、飲紅酒以及食朱古力來平復情緒。
羅兆輝表示向某人道歉，是因害怕被人報復，至於他指大劉與「個個都唔啱」一事，羅兆輝即在眾記者面前向大劉賠不是說：「我當時講得好快，啲記者迫得我好緊要，我又飲咗酒，我唔係有心講，令到大哥唔開心，我都唔開心，好抱歉，我要收番呢句說話，我好多富豪朋友都係大哥介紹我識，冇大哥就冇我，大哥千祈唔好嬲我！」
坐在羅兆輝身旁的大劉則說：「我好奇怪佢點解咁講。打開天窗說亮話，明人不做暗事，我知呢句說話唔係事實，但係佢有心講我好唔開心，無端端變咗做犧牲者。」問大劉是否仍當羅兆輝是朋友時，大劉說：「我唔當佢朋友，就唔澄清呢件事啦。但以後佢嘅私生活我就無能為力，費事俾人當唱歌，總之佢最拿手係炒反手排骨。」
羅兆輝插嘴說：「希望大哥原諒我不智同唔啱，我當住六百萬香港人同大哥講對唔住。劉生對我好好，十年前我跟佢搵食，我問大哥點解咁照顧我，佢就話憑直覺。」此時大劉不禁搖頭苦笑說：「不如唱番首《憑着愛》！我早知佢同人『沙冧』，就唔使做埋啲咁嘅事咁搵笨啦！」
採訪：甘比、娛樂突發組
攝影：黃文成、陳偉權、馬啟然