以迷你車市場為對象嘅新一代日產March，其賣相可謂較原有型號變得更富吸引力；除線條變得圓渾有致外，匹配一對頗有神氣嘅頭燈組合，更令其散發出誘人嘅魅力。另一方面，偌大嘅車窗設計亦可給予乘客有更廣闊嘅視野。
車廂布局亦以圓渾為主，空間又見寬敞舒適，加上承托力甚豐嘅座椅，因而令乘坐舒適度倍增；另外，中控台設備齊全易用，頂端更置有雜物匣方便擺放雜物㖭。而引擎配搭方面，廠方則為新一代March安排有輸出68匹馬力嘅1.0公升直4引擎、90匹馬力嘅1.2公升直4型號，以及98匹馬力嘅1.4公升直4電油引擎，從而滿足不同用家嘅需要。
若新車能抵港發售的話，相信一眾同級對手如豐田Echo、本田Jazz等等，真係遇到勁敵喇。