抗癌小伊返學苦欠書簿費

抗癌小伊返學苦欠書簿費

「人生好無常,冇人會一世順利,但係我覺得一個人嘅生命好重要,所以就算我遇到幾大嘅困難同埋挫折我都唔會放棄,一定會積極咁去面對。」十七歲的許小伊,年半前罹患淋巴瘤,多次徘徊死亡邊緣,令她體會到生命的可貴,她盼將來可以投身杏林,幫助病者對抗病魔。

重拾健康後,昨日小伊再次踏足校園上課,她感興奮之餘,卻為要適應陌生的學習環境而顯得憂心忡忡。現時入讀中一的小伊,其年齡較班內的同學為大,她憂慮難以與同學溝通和相處,來自內地的小伊由於從未學過英文,令她面對英文時感到莫大壓力。「上堂嘅時候老師講英文,我都聽唔明,見到個個同學都識答問題,但我就完全唔知點做,覺得自己好差!」一臉無奈的小伊歎道。

先後八次化療
縱然第一天上課,小伊已感到壓力,但她從沒想過放棄,亦懂得把壓力轉化為學習動力。她表示,倘若日後在功課上遇到不明白的內容時,她會謙虛地請教老師和同學。語氣堅定的她說:「我個病好唔容易先至好番,𠵱家咁難得可以再讀番書,喺大陸有好多人想讀都冇機會,我一定會畀心機讀書,好好珍惜呢個機會。」小伊來港求醫期間於今年一月獲批單程證在港生活。

志願盼做醫生
在這段漫長的抗癌路上,小伊先後接受八次化療,令其頭髮脫落、發燒、嘔吐及無胃口進食。回想昔日痛苦的抗癌經歷,年紀輕輕的小伊向記者細說箇中的矛盾心情:「第一、二次化療啱啱開始時,真係好辛苦,曾經有一刻諗過不如放棄,可能呢個病會醫唔好;但我又同自己講化療之後係會好番,當時內心嘅拉力真係好大,好彩一路都有屋企人支持同埋鼓勵我。」
積極樂觀的小伊有其一套人生看法,她微笑道:「無論我開心定唔開心,個病都會喺度,點解我唔選擇開心咁去面對呢個逆境呢!」目前,小伊的癌細胞已控制下來。小伊表示,現在會努力讀書,盼望將來可以做醫生醫治病者。
小伊與雙親靠綜援金維生,近日她正為準備開學但無力購買校服及書簿苦惱。本報即從善長捐予小伊的善款中撥款五千元,助她購買開學所需用品。
捐款編號:C0052

暖流熱線
電話:29908688
傳真:23702192
電郵:[email protected]
網址: http://www.charity.atnext.com