呢排好多高官夠鐘退休，張大姐日內離開日本，吳榮奎也差不多係時候同特區政府說再見。到咗下個月中，黃星華同工務局局長李承仕都滿六十歲，八方聽聞，佢兩人都無心戀棧。星華哥話一定退，李承仕聽講也不想留，即係連做部長嘅興趣也不大。
又係嘅，做特區高官已咁辛苦，日日夜夜俾班尊貴議員同傳媒鬧，將來若做老董內閣，真係分分鐘慘過酒樓部長。都係走為上着，兩人睇嚟最多肯同老董頂到六月部長上任之時。
一位官場人士更笑說，咁大個人未減過人工，如果可以在十月前離開，咁就逃過一減，在最高點榮休。
E-mail：