近期啲富豪唔知點解，日日成為報紙雜誌頭條，我Apple姐都係欣賞上一代嗰套，愈有錢就愈低調，咁先夠class。 最怕見報 好似大新金融主席王守業咁，身家一樣億億聲，不過成家人都好低調。佢大仔王祖興舊年年尾註冊結婚，都只係着套西裝去東區婚姻註冊處，新娘亦都冇着婚紗，話一切從簡喎。 不過我Apple姐知道王祖興會喺外地擺喜酒，重鐵定下月七日喺日本東京擺㖭。王守業話咗唔會大排筵席，只會請相熟嘅親朋去飲。