上周去老董謝票大會，八方見到鄭裕彤同李超人、何鴻燊哋排排企等訓話同拍照，於是趁機向彤叔請教，問佢點睇香港前景？
彤叔份人真係幾好，佢唔止讚老董盡心為香港做事，重話香港經濟差唔可以怪晒老董一人，日本喺金融風暴後嘅經濟咪一樣衰咗咁多年，唔通啲首相要孭晒？當然樓市就真係唔係咁好，大家都要一齊等，又話要畀啲機會董生，睇吓佢有乜大計。
講到信心，彤叔話呢樣嘢係「自家畀自家」，如果日日話自己唔得，有病，咁就一定死梗；如果你話自己冇乜事，會好番，咁就一定掂。聽落又有啲道理，至於係咪好似彤叔咁話傳媒誇大咗香港嘅苦況，八方又唔係好同意。
香港有幾慘，真係心照啦。
E-mail：