粵港合作嘅帶頭大哥煲呔曾，噚日率領十數名政策局高官、二十幾位同事，一清早就浩浩蕩蕩，坐船前往珠海開會。
八方今次真係要讚一讚佢哋，雖然貴為高官，但係就無買最貴嘅貴賓房票，只係買較普通位貴十蚊嘅頭等票，計落雖只是慳回幾百蚊，但算共度時艱。更重要嘅係，煲呔曾同阿松都無同同事分等級，有位齊齊坐，同身邊市民無分彼此。
十幾個高官中，任關佩英都算受歡迎，皆因記者最先搵佢傾偈，或者佢時時笑容滿臉，較為親民。阿松於去程時，同佢都傾得特別起勁。不過，要搵人簽名，都係以煲呔曾同阿松為先，船員特別開一本新簽名冊畀佢哋留名。問其他高官會不會呷醋？任太哈哈大笑。
回程時，煲呔曾雖然有啲攰，但都唔休息，同八方等傾偈，講吓香港定位優勢，後來有人笑問阿松嘅民望直迫佢，點算？煲呔曾哈哈一笑話：「你哋重緊過我！」
﹙圖﹚曾蔭權喺船上都十分勤力，又開會又睇文件。
E-mail：