消費者委員會為咗推動消費者權益，較早前舉辦「消費權益新聞報道大獎」，本報記者葉鳳萍以一篇「銀行不發卡 耆英上網難」嘅報道，攞咗新聞組別嘅銅獎，消委會趁噚日喺北角粵華酒店請傳媒食飯，兼舉行頒獎典禮。
可能有好多行家捧場嘅關係，場內氣氛好熱鬧，消委會多位高層都興致勃勃即場表演助興。其中總幹事陳黃穗喺研究及普查部首席主任劉燕卿一邊唱「紅唇綠酒」時，一邊大跳「CHACHA」，佢舞姿曼妙，贏得唔少掌聲，而劉燕卿嘅歌喉亦唔錯，佢同消委會發言人蘇偉生合唱一首「無言的結局」，而主席陳志輝亦好「high」，佢唱「禪院鐘聲」時，雖然一邊播住原唱者嘅歌聲，但係陳主席一於少理，依然大大聲咁唱，在場嘅人都拍晒手和應。
﹙圖﹚本報記者葉鳳萍（右）獲得消費權益新聞報道獎新聞組別銅獎。
E-mail：