林憶蓮將於五月三日至五日在紅館舉行三場個唱，前日開始可用信用卡預訂門票。兩日內預售即超額訂購一倍之多，對此憶蓮開心地說：「我隔咗六年冇喺香港開演唱會，啲歌迷仍然對我不離不棄，真係好難得，令到我好開心。」
憶蓮近日除忙於籌備個唱外，還要為新碟錄音，她稍後更會親自到澳洲挑選舞蹈員，為個唱助陣。
憶蓮自己除會勁歌熱舞外，其演唱會服飾亦甚有睇頭，其中包括大露背及低胸裝，為此憶蓮正進行減肥大計，每日做運動個半小時，她說：「我唔使好似阿梅咁肌肉型，身段優美就OK。」
完成香港個唱後，憶蓮打算開巡迴演唱會，因為今次香港個唱售票反應熱烈，各地製作公司已紛紛致電主辦單位東亞娛樂斟洽承辦巡迴個唱事宜。