天天漁港位於深圳羅湖鳳凰路總店，已開業多年，最近佢哋喺福田區振中路開設了第一間分店，新店裝修豪華，食物有一貫嘅高水準；此外，天天漁港更首辦酒店，同一棟大廈內由單人房至豪華總統套房都有，豐儉由人。加上地方環境清靜，附近有美容院及大型商場，這樣的食住一條龍服務，也很適合要求高嘅北上港客。
記者：梁煒健 攝影：陳盛臣、楊錦文 ImageGirl：黃芳
位於福田振中路嘅天天漁港，開業不足兩個月，但因鄰近銅鑼灣廣場，所以有不少食客知「碇」嚟搵食，午膳晚飯均高朋滿座。地下大廳非常寬敞，可容納300人，設於二、三樓嘅VIP豪華套房附有卡拉OK設備及麻雀耍樂，故雖多達60間一樣經常爆滿。由於天天漁港以美味嘅海鮮作招徠，加上獨特嘅烹製方法，北上搵好嘢食嘅朋友不妨嚟試一試。
每份例牌售價：?48
首先用京葱包住銀鱈魚，再以用竹籤包裹高溫油炸；這樣魚嘅肉質仍保持嫩滑，而且又似有一股炭燒味道，是鮮甜魚肉以外的口感。
每份例牌售價：?98
用一級日本關東遼參，每碟例牌約有6両。主要用葱及蒜作烹調，味道相當濃郁但帶清甜，入口時亦異常爽口。遼參一向係較為高檔嘅食物，而且極富營養。
每隻售價：?33
呢道補品美食以隻計算，售?33。每隻均用上足二両半嘅優質雪蛤膏，配以蟹肉、火腿等其他配料秘製而成，味道清香口感一流。雪蛤膏本身有滋陰養顏之用，加埋其他材料自然營養價值更高。
12件售?48
天天漁港嘅點心亦別出心裁。例如一般茶樓食肆嘅叉燒酥，佢哋就諗到以榴槤代叉燒，食落特別香甜鬆化㗎。
每份售價：?12/6件
相信好少人會食過用真正新鮮菠蘿做嘅菠蘿包，而天天漁港新分店就有嘞！外表用奶皇及麵粉皮焗製而成，加上內裏嘅菠蘿肉粒夠鮮味，味道自然一流。
電話：(86-755)3698111
地址：深圳市福田區振中路愛華電腦城八棟（銅鑼灣量販音像超市對面）
營業時間：8:00am至11:30pm
座位：2,000個（套房設於二、三樓，共60間）
交通：從羅湖關口前往，乘的士約10分鐘，車費約?20。
鄰近天天漁港有多間百貨公司，而同幢大廈嘅西邊，就開咗一間「小山村美容美髮腳部按摩中心」，想整個靚髮、足浴或做Facial，呢處就相當就腳，佢哋聘有專業技師，服務頗妥當。呢處附設男女賓部，做美容只有女士專用喇，家陣新開業梗係重有特價㖭喇！幫襯減肥按摩服務，除咗買十送一優惠外，更可享用店內嘅小型蒸汽桑拿室。
髮腳部按摩中心
電話：（86-755）3698609
地址：深圳市福田區振中路天天漁港二樓西區
營業時間：10:00am至2:00am
首次開辦酒店嘅天天漁港，地下及二、三樓均為酒樓，而酒店客房則設於四、五樓，每層面積逾1,800平方米，共有90間客房。開張期間有6折優惠，而且免收服務費，算係深圳福田區最平，而且又全新裝修，北上去玩或營商嘅朋友就最啱使。至於全棟酒店最高級最豪華嘅套房，現時每晚房租都只需?1,008咋！優惠期至5月底。
這間四星級酒店，雖然高級豪華套房不及外國嘅總統套房咁華麗，但裝修設備樣樣皆齊全。房內除咗有一間大廳設有大班枱、麻雀枱及豪華梳化，房內更設有兩間廁所㖭！其中嘅主人浴室更設有蒸汽按摩浴缸，所以呢間豪華套房只需?1,008，就至啱剛結婚度蜜月嘅新婚夫婦嘞！
＊優惠期至5月底。
訂房電話：（86-755）3697338