垃圾羅呢期勁撐NewBalance，不時學Sammi口脗：「我要買晒NewBalance！」（對白原本嗌「我要嫁個有錢人！」）聽聞佢家中已收集近三十幾對NB，甚麼裏原宿Hectic限定別注580、UA1400、TK特別版當然買齊，重有港版、Deadstock貨同最新行貨1300都被佢「納」埋，認真厲害。
垃圾羅話行貨今次能返到1300算巴閉，1,200蚊對唔算貴，所以一出街即被識貨之人掃晒。今時今日除咗關刀，好少鞋賣過千能同樣咁好反應。日本嗰邊賣貴兩三百蚊亦唔係好夠貨賣，唔知香港花園街排隊黨有否掃貨？
NewBalance香港公司同關刀一樣，由美國總公司親自睇番，唔簽代理俾人，不斷諗橋開發國內巿場。牌子本身有料到，應該好易上位。
講開垃圾羅，除波鞋外，近日仍鍾意刮街邊筍貨，代表作係四百蚊買到部舊B&O，經常喺垃圾堆搵到正嘢。千祈咪誤會佢愛唱《垃圾》所以叫垃圾羅呀！
主持人：大食Jack
八卦熱報：