煲呔曾在船上盛讚粵方官員好熱情，又大爆飯局桌上雙方齊齊唱K。香港隊有憑《獅子山下》「走紅」嘅阿松，繼與港大學生真情對唱後，再即場表演。當然少不得來自工商局的「歌王」楊立門，佢大唱《綠島小夜曲》，繞樑三日。
廣東方面，則有廣東省副省長歐廣源唱佢嘅首本戲《友誼之光》，深圳市市長于幼軍都不甘後人，大唱一支俄羅斯民歌。講開歐廣源，大家對其半桶水的普通話真係一聽「難忘」，當他發言時，在旁嘅煲呔都忍唔住微微嘴笑。事後佢對八方說，微笑只代表好欣賞，別無他意。
廣東人講京話，大家心照。
E-mail：