保安局局長葉劉淑儀又講錯嘢！話說紀聯噚日高調舉行記者會，話佢哋唔排除會就政府減公務員人工而採取合法嘅強硬行動，包括上街遊行。葉太咁啱出席粵港聯席會議，就公開話現行條例不容許紀律部隊人員示威。
八方啲紀律部隊老友都𢱑晒頭諗唔明，因為無條例話唔准佢哋上街遊行，而且只要落晒班就係個普通市民，無理由唔可以示威遊行，可能葉太混淆咗罷工同遊行啦。點知保安局發言人於晚上十一點就發表澄清聲明，承認並無法例規定紀律部隊人員不得上街遊行，但就話員工參與遊行時，仍須遵守其部門的內部守則或通令。
﹙圖﹚高官浩浩蕩蕩，一行十幾人到珠海開會，保安局局長葉劉淑儀一馬當先。
E-mail：