八方噚日睇中華電力年報，中電份年報，一向資料豐富，今次都唔例外，竟然重有意外收穫。中電首次披露佢哋主席嘅酬金，即係「小電王」米高嘉道理從中電收取嘅薪酬，你估幾多呢？原來係每年二十二萬五千大元，同一個小職員差唔多，而且個數自九五年起未變過。當然，「小電王」並非中電管理層，但每周要同管理層開會，薪酬都算合理。
至於中電最高薪的人，當然要數常務董事包立賢（中電副主席毛嘉達是非執行董事，年薪也在今次年報內公布，為十五萬元）。包立賢薪酬舊年介乎九百至九百五十萬元間，比起二○○○年最高人工者（六百萬年薪）大幅高出逾五成，除包立賢外重有兩位高層收入大增，相信同賞金有關。舊年香港經濟咁差，中電都咁慷慨，認真難得！
E-mail：