恒指跌93點，恒指Put輪上升，合理。
9066交投最旺，有128球，收16.8仙，升6%。9049其次，有88球，收19.2仙，升8%。9250最少，只有10球，收15.3仙，升7%。
9066（7月到期）溢價4.7%，槓桿率11.5倍。9049（7月到期）溢價5.5%，槓桿率11.7倍。9205（9月到期）溢價13.1%，槓桿率24.4倍。市場炒家似乎興趣比較集中喺低溢價嘅Put輪。
3月期指繼續低水，低水130點，主要反映下禮拜滙豐（005）同恒生（011）除息嘅因素。
上面3隻恒指Put輪，溢價應該稍作調整，要計埋下禮拜兩大銀行除息嘅影響，或者直接計入期指低水嘅因素，大概係將表面溢價減1.2個百分點。
儘管恒指Put輪溢價唔高，都唔值得博，理由係大市整體形勢仍然向上。
候低揸恒指Call輪9045比較諗得過。9045（7月到期），現價23.8仙，溢價2.8%，槓桿率10.5倍，候22至23仙買入。