雖然只不過係三月，但八方已陸續收到一啲雜誌評選「今年最佳」的結果。其中英文財經雜誌《FinanceAsia》收到三百三十一名機構投資者及分析員投票，選出今年香港最佳管理的企業，由「香港首富」李嘉誠旗下嘅和記黃埔奪得，獲得六十七票，較第二位滙豐高出十二票。除最佳企業外，尚有多個類別選舉，和黃亦獲選為「最佳財務管理」企業。
滙豐雖然整體唔及和黃，但喺三個項目上則名列榜首，包括「企業管治表現最好」、「投資者關係最佳」同「承諾及推高股東價值表現最好」。至於最佳財務總監，則是「誠哥」手下、和黃財務總監陸法蘭。八方覺得呢類選舉多不勝數，參考價值當然視乎雜誌地位而定，但希望得獎企業「勝不驕、敗不餒」，努力做好本分，為投資者提供良好回報。
E-mail：