劉鑾雄多年來都十分關照羅兆輝，但昨日大劉接受本報訪問時，卻表明羅兆輝以後一切言行都與他無關。原來羅兆輝一方面要求大劉公開為他講說話，一方面卻向某人打小報告兼道歉，有利用大劉之嫌，令大劉對他心灰意冷。
羅兆輝日前結束巴黎癲狂歲月，回港閉門休養六日後，前天首日返工，並且第一時間拜會其口中一向最敬重的大哥劉鑾雄。羅兆輝並向大劉表示極不滿有周刊刊登其私生子及他與友人在遊艇上親熱的照片，雖然大劉勸他息事寧人，但羅兆輝仍要求大劉替他主持公道。
早前羅兆輝因為受酒精和藥物影響，向周刊胡言亂語爆圈中女星和城中富豪的性史，令身邊友人均對羅兆輝避之則吉，紛紛與他劃清界線之際，大劉亦曾替羅兆輝講好說話，可見大劉向來均對羅兆輝十分關照。
不過，大劉昨日接受本報記者訪問時，言談間卻似是想與羅兆輝劃清界線，原因是羅兆輝口口聲聲說要重新做人，但轉頭又向記者爆粗、目露兇光和約會洋妞，自己不爭氣之餘，更有報章報道將羅兆輝的言行舉止與他剛會見大劉一事相提並論。
更甚者是羅兆輝這邊廂叫大劉替他主持公道，那邊廂卻去打小報告，兼向某人道歉，用是非做人情，令大劉有被利用的感覺。
劉鑾雄昨日說：「話佢見完我之後對住記者爆粗同埋目露兇光，咁不如話佢做完周刊訪問之後先至發癲！完全係攞嚟講。佢噚日上嚟我公司，同我投訴話好不滿有周刊登佢個仔嘅相，話啲相佢冇俾過記者，而係畀人偷咗去，重話要報警㖭，又話要民事訴訟。當時我有兩個助手在場，佢同我講嘅嘢全部有證人，佢要我幫佢講番幾句公道說話，我都應承佢。」
大劉續說：「但呢頭我都未同記者講嘢，佢嗰頭就去向某人打小報告，話畀人聽我會同記者講乜，重同人『沙冧』話唔關自己事，咁即係要我做醜人！我唔係話我孭唔起，但咁即係搵我做犧牲品啫，又以為我唔知。以後佢識鬼妹又好，爆粗又好，目露兇光又好，要去追求佢一向以嚟嘅迷幻快樂又好，經過呢件事之後，所有佢做嘅嘢，都同本人無關。
「我亦都好放心，知道佢已經完全清醒番，回復番佢一向以來做人嘅本色，我亦都冇任何嘢可以幫到佢，唯一可以做嘅嘢，只係祝福佢啫！」
去年一月羅兆輝向傳媒表示大劉「最錫佢」，除多次協助他上位外，九九年三月更曾借十億元給他周轉。
去年十月有傳大劉私人借出五千萬元給羅兆輝周轉。
本月羅兆輝日前返港，大劉派出十八名保鑣接機及保護他。
前日羅兆輝往大劉公司與他見面，之後大劉向記者表示希望大家可以畀條路羅兆輝行。
採訪：張止寒