陳慧珊（Flora）與曾偉權昨日為無綫新劇《絕世好爸》拍攝一場結婚戲，而劇中其餘三姊妹劉錦玲、郭羨妮及胡杏兒亦分別打扮成伴娘，立即變成一幅「四美圖」。
對於有報道指同劇演員唐文龍力追陳慧珊，更專登買雪糕給Flora吃，Flora聽後笑說：「黐線㗎！幾時有呀，我只係同佢食過一次飯，重係成班人一齊。佢冇請過同買過雪糕畀我食，我就試過請成team人食雪糕，咁離譜，咁寫要告佢，不過我又冇錢又冇氣！」
身邊的郭羨妮聽後卻踢爆買雪糕一事，她說：「係咪上次出外景，喺先施嗰次呀！」Flora即說：「哦，嗰次我哋見到陳豪食雪糕食得咁開心，咪點咗唐文龍去買囉！佢夠對陳豪好啦，又唔見寫佢同陳豪搞嘢！」
採訪、攝影：王崇穎