挺董之後，竟然挺李。話說全國政協副主席葉選平和老霍日前相繼開腔，說支持李嘉誠代替已故的安子介，出任政協副主席一職。空穴來風，未必無因，是故一班記者昨日雲集長江總部搵超人求證，但誠哥昨日的回應，就認真騎呢。
八方昨日早上在立法會，忽然有行家收到風，話誠哥十一時會見記者，就這件事作回應。誠哥十一時二十五分乘車返到長江中心，八方一眾行家急急發問：「誠哥係咪有嘢想講？係咪有關副主席嘅事？」
誠哥一臉訝然，反問大家「乜嘢事？」後來他就企定定，回應提問，不過答案唔明確。誠哥話，好多謝朋友講的說話，講他適合。至於是否中央有意、他有沒有興趣、會不會放下一些生意、做政協副主席有何資格……誠哥對提問都回答說「冇呢件事」、「唔答假設嘅嘢」、「唔需要解釋多啲」、「我乜嘢都唔會講」。你問我答十幾二十句，誠哥都是模稜兩可。
有行家講笑，話如果有人問「李澤楷係咪你個仔？」，超人都可能順口回應：「冇呢件事。」
（圖）超人一向低調，昨日竟特意見記者回應出任政協副主席一事，難道空穴來風，真的有因？李家皓攝
E-mail：