近排行開啲AV影音舖，大家有冇發覺啲Sales喺度勁Sale啲舊款AV影音產品呢？事關日本嗰邊啱啱公布咗一批設計騎呢，但功能又十分勁嘅AV產品將會推出，例如扮PC款嘅Hi-Fi、用HardDisk做媒體嘅高質錄影機，甚至扮成黑膠碟款式嘅CD-R光碟，所有產品都充滿創意，筆者今日就帶大家先睹為快！
記者：朱崇德
好多人都話Hi-Fi會逐步加入同電腦聯繫嘅功能，今次Panasonic呢部SC-SV1就話嚟得徹底啲，直頭連個樣都學埋PC主機箱，再加埋一套襯埋高度嘅2.1聲道喇叭（5W+5W+16W），力水都算幾夠，一般二、三百呎房仔，都應該幾夠使，真係過癮得嚟又夠晒型仔！
除咗賣相，功能都非常強橫，因為佢係Panasonic現時首部集合NetMD、CD、收音機等多功能的Hi-Fi。不過最具睇頭都係佢嘅NetMD功能，佢除咗可以做到一般MD機嘅MDLP2、MDLP4錄播功能之外，佢重可以透過機前嘅USB插口與一般PC作聯繫，作下載播放ATRAC3、MP3及WAVE格式的音樂，使音樂的錄播層面變得更加廣。
自從日本方面進行咗HDTV（高解像電視）廣播之後，市場方面對一啲高質嘅錄影工具特別需求殷切。最近日本8大生產AV產品嘅公司（包括Canon、Fujitsu、Hitachi、Phoenix、Pioneer、SANYO、SHARP及JVC），聯合公布將以iVDR（InformationVersatileDiskforRemovableusage）為通用規格，以2.5吋硬碟作為高畫質嘅影音儲存媒體。
設計原概念都可話同舊式錄影機有幾分相近，不過儲存媒體就由一般錄影帶，改為一個可以隨拆隨插嘅iVDR規格2.5吋硬碟，而且影像格式亦變為DVD畫質嘅MPEG2，所以不論在影像質素、重複錄製次數、穩定性及記憶容量各方面，都有好明顯的技術提升！
自從日本方面進行咗HDTV（高解像電視）廣播之後，市場方面對一啲高質嘅錄影工具特別需求殷切。最近日本8大生產AV產品嘅公司（包括Canon、Fujitsu、Hitachi、Phoenix、Pioneer、SANYO、SHARP及JVC），聯合公布將以iVDR（InformationVersatileDiskforRemovableusage）為通用規格，以2.5吋硬碟作為高畫質嘅影音儲存媒體。
設計原概念都可話同舊式錄影機有幾分相近，不過儲存媒體就由一般錄影帶，改為一個可以隨拆隨插嘅iVDR規格2.5吋硬碟，而且影像格式亦變為DVD畫質嘅MPEG2，所以不論在影像質素、重複錄製次數、穩定性及記憶容量各方面，都有好明顯的技術提升！
三防潮流真係無可擋，繼手機、數碼相機同Notebook等隨身之物玩完三防（防水、防塵、防震）之後，𠵱家喺日本嗰邊連流動電視都玩埋一份。基本上全機上下，不論顯示屏、按鍵及天線位，都以厚身嘅樹脂及塑膠等物料包裹，防震能力絕對有保證，不過最強都係佢嘅防水能力，在日本方面測試時，曾放在流動的河水中作沖洗，亦沒有入水的情況出現。跟機的充電池一般可以連續使用2.5小時，如果用省電模式將顯示屏的光度減半，使用時間更可延長至4小時，還有收聽FM及AM收音機的功能。
三菱最近好搞鬼，竟然話要推出一隻扮到好似黑膠碟咁款嘅CD-R（Phono-R系列）懷舊一番。呢套Phono-R系列嘅CD-R，勁Sale佢喺錄製音樂CD-R時，用咗高感光度色素物料嘅光碟記錄層，會對高音及低音部分有優化嘅表現，所以先包裝到黑膠碟咁款，最啱時下一啲喜歡玩電腦音樂嘅人使用。