政協會議噚日在北京閉幕，八方班行家最有新聞觸覺，見到已故安子介副主席個位咁耐都冇人補上，怕下屆會保唔住，所以問副主席葉選平同副主席霍英東，搵李超人補上好唔好？
咁樣一問，答案當然可想而知，超人喎，點會唔好呢？於是你一言，我一語，一齊話支持。不過，霍老重係較老練，話自己只能夠口頭上話支持，最後要由中共中央決定。
以八方嘅政治智慧嚟分析，北京黨中央當然冇意見，歡迎之至，但係老李唔知點諗。以前佢就一定擰頭，不過由佢舊年肯接受大紫荊獎嚟睇，情況可能有變化。人上咗年紀，都鍾意有人錦上添花，當國家領導人，又何樂而不為呢？
（圖）照李超人舊年肯接受大紫荊獎嚟睇，人上咗年紀，可能鍾意有人錦上添花。
E-mail：