中國入世後，各行各業也努力北上搵機遇，有「橋王」之稱的東方娛樂主席黃百鳴近期頻頻北上傾生意，合作單位係共青團直屬的全國青年協會。黃百鳴同佢哋合作，利用全國青年協會啲場地搞東方演藝中心，為青少年提供質素訓練班，然後從中揀蟀晉級上演員訓練班，遇上叻兼有潛質的青少年重會栽培成謝霆鋒第二。
呢單嘢最精采之處，在於東方同時投資拍攝一套內地勵志片，講述現今青少年對以往為國捐軀的軍人有何看法，今年夏季在質素訓練班上課的青少年可能成為此片的「咖厘啡」，不單慳成本，更有一批基本捧場客。同時，內地官員對東方印象也會更佳，可說「一石三鳥」。
東方娛樂為隆重其事，正爭取在月底於人民大會堂舉行記者會。八方搵黃百鳴問及此事，但佢就話無可奉告。
E-mail：