張燊悅於本月下旬將推出新碟，其所屬的環球唱片有見容祖兒正出國養聲及學藝，決乘勢催谷張燊悅攝位而上。而近日旺角及銅鑼灣一帶的鬧市及唱片舖，亦開始以張燊悅的廣告牌來取代容祖兒。
張燊悅（Nicola）本月下旬正式推出個人大碟《AngelofMercy》，適逢容祖兒因出國進修及養聲，故環球唱片方面即乘勢催谷Nicola，希望她能趁着容祖兒的「真空期」，攝位而上。
近日環球已開始為Nicola的新碟進行宣傳，前日本報記者途經旺角先施百貨附近，發現懸掛在該大廈的容祖兒Nikon相機大型廣告牌，已換上Nicola的新碟廣告；而昨日銅鑼灣的部分唱片舖，亦將原先擺放祖兒《隆重登場》的唱片及海報移走，改而掛上Nicola的新碟海報。
對於Nicola的新碟㩒住祖兒的「真空期」來打，Nicola所屬的星皓唱片公司經理人吳小姐，昨日在電話中說：「我哋唔清楚，唱片方面嘅嘢，你哋問環球嗰邊啦。」
環球唱片高級副總裁朱國禎，昨日亦在電話中說：「Nicola隻碟一早已經計劃喺呢段時間出街，根本唔關容祖兒喺唔喺香港嘅問題，容祖兒都唔係六個月前話畀我哋聽，佢會出國啦。」
問環球知否祖兒的廣告牌已換上Nicola的廣告？朱國禎說：「每個歌手出碟，唱片公司都會盡量同佢哋爭取最好嘅display（擺設）位，咁啱換正容祖兒個牌啫。」
據悉環球將在今年的上半年，全力催谷Nicola，故在宣傳上不惜一擲數百萬。
採訪：朱芷瑩 攝影：陳梅香、何國豪