波鞋界的Hi-tech與Retro之爭鬧得沒完沒了；科技派代表有Nike，由80's成功開發「空氣」系列至今，典範作一定是玩高科技款式；反觀由JackPurcell創辦Converse，總與科技無緣，但一款All-Star布鞋足以令佢食幾世！兩派同樣有其擁躉，同樣咁威風！
同是食Retro潮流，同是以布鞋起家，還有板鞋界的望族VANS；都是多得一班東洋潮流友個個踩住一對SK-8Hi，搞到本地班貪靚鬼周圍刮VANS，不過，𠵱家毋須「四圍藤」，近日VANS一系列日本完全復刻經已大軍駕到！
記者：陳嘉文
攝影：周旭文
由於本身也是熱愛Skate（滑板）運動，是故創辦人PaulVanDoren為求令Skate時保護其腳部，所以致力研究適合Skater的球鞋，時為1966年。Vans更是美國最早期街頭/板服之翹楚，款式如OldSkool、SK-8Hii等Sneakers無論英、美、日都已奉其為神檯級板鞋，與此同時，相信亦沒啥人會記得這些經典型號本是滑板及BMX的專用鞋。而多年來Vans在國內本土都高調推動街頭文化，無論滑板比賽、SkatePark甚至是樂隊贊助都不遺餘力。
做過小學生一定着過「白飯魚」，日本版VANS的「白飯魚」(ERA及SlipOn)當然唔玩醃悶的白色，而係玩㗎仔強項—夠Colourful；重有，VANS「白飯魚」另一巴閉之處，就係此款式甚受時裝設計師垂青，諸如東洋的CommedesGarcons、UNDERCOVER及比利時的RAFSIMONS亦曾出過貌似VANS的「白飯魚」。
美、日版的同樣係玩復刻的SK-8Hi，前者玩80’s的“OFFTHEWALL”Logo；後者則玩早期Logo；論製作手工兩者差唔多，其實，目前的美、日版SK-8Hi都係MadeInChina。
OHIO店員Daisuke：「Converse可能太泛濫，今年玩布鞋我會揀VANS。老實講，個人偏好始終係98年之前生產的VANS，當時還是原汁原味美國製造；除此之外，早期VANS在圖案設計上玩好多「花臣」，如勁玩Pattern。相反，近期日本版VANS就會着重玩撞色Colour，不過用來襯衫就一絕！」
售賣點：
OHIO(23162318)
尖沙嘴加連威老道53號1樓
巨物集坊(23691628)
尖沙嘴利時商場G/F11號舖