阿娟一家四口近日獲房屋署分配公屋單位，將可搬離狹窄惡劣的居住環境，奈何阿娟一家目前須靠親友接濟，生活捉襟見肘，實無力應付搬遷的龐大支出。蘋果日報慈善基金即時撥款解困，並將安排轉送書枱，煤氣爐等物資。
記者日前登門家訪阿娟，由於地方淺窄，其間阿娟需站於走廊通道與記者談話，兩名在學子女則一直要坐在牀上彎低身做功課。阿娟皺着眉說：「呢間房得幾十呎大，擺張牀、雜物櫃同摺枱之後，已經冇乜位，所以對仔女成日要坐喺牀度，用塊木板墊住枕頭嚟寫字，睇見都覺得佢哋辛苦！」
阿娟一對子女現年分別七歲及十一歲，在同一間小學就讀二年和六年級。阿娟續歎謂：「屋企樓下係魚市場，由朝到晚都好嘈，兩個仔女自然冇心機溫習功課，所以最近收到通知有得上樓，我哋真係好開心，但又擔心冇錢搬屋！」
四十歲的阿娟，靠丈夫從事地盤工作維持家計，可是近年丈夫長期開工不足，以致舉家生活陷困。「我哋唔想攞綜援，惟有節衣縮食同問親戚借錢周轉，不過因為借得多，𠵱家已經借無可借！」阿娟曾任職製衣廠車衣女工，婚後在家照顧一對子女。
由於經濟緊絀，阿娟缺錢應付搬遷外，另家中基本家具及電器亦無力添購。「我計過條數，新屋嘅水電、煤氣、屋租等幾樣按金，加埋要搵人裝光管，至少要五千蚊，對我哋嚟講係一個唔少數目。另外屋企一向冇書枱、風扇同煤氣爐，所以𠵱家我要籌錢搬屋之餘，重要四圍留意有冇啲舊家庭用品可以執番嚟。」阿娟坦言。
蘋果日報慈善基金了解阿娟一家苦況後，即時撥款六千元，助阿娟支付搬屋費用，另將安排轉送讀者捐出的書枱及煤氣爐給她。
捐款編號：C0492
暖流熱線
電話：29908688
傳真：23702192
電郵：
網址：