雖然香港經濟仍未見復甦，但香港車市近期卻異常熱鬧；繼平治及寶馬早前廣邀本地傳媒往海外試車後，嚟緊萬事得又會有龐大嘅試車團，到外地測試最新嘅Mazda6（即港版626）㖭！呢部糅合歐、日汽車設計意念嘅新車，未正式推出經已廣受各地車評人一致看好，雖然代理方面未有透露新車何時會正式抵港，但最近有口痕友通風報信，話畀亞Mark知經已有新款Mazda6到港喇！相信部車咁快到港，會係作技術測試及政府檢定嘅準備；據知，稍後抵港嘅新款Mazda6，會以2.0公升型號打頭陣，相信定價只會喺十七、八萬上落，或許新車會響4月有正式公布都唔定。有興趣擁有呢部新一代富房跑味嘅高級轎車的話，就真係要拭目以待喇！