老董成功連任開謝票大會，出席嘅人當然冇挺董嗰日咁墟冚，霍英東班政協人大去咗北京開會，邵逸夫又唔見，查大俠冇咗影，最捧場嘅係李超人。至於利國偉則未病好，嚟唔到捧場。
講開利Sir，八方最近都有打聽佢嘅病情如何，佢身邊嘅人話已經好咗啲，或者更準確啲講，一次比一次好，最近有坐起身見人。利Sir一直心臟唔好，過年前突然中風入院，病情應該幾嚴重，所以醫生囑咐要全面休息，八方都冇得去探佢老人家，希望佢早日康復。利Sir雖然已八十多高齡，近年因身體欠佳被迫退下前線，但佢對香港嘅關懷及對後輩嘅愛護，並無改變。
E-mail：