羅兆輝近日的瘋言瘋語，令他成為風頭人物及街坊茶餘飯後的熱門話題，但在羅兆輝一生至疼錫的外婆鍾婆婆心目中，外孫行徑愈是瘋狂，她便愈心疼。
打從羅兆輝由巴黎返港起，鍾婆婆便自困家中足不出戶，終日擔心外孫的精神和健康狀況，及他對別人造成的傷害。
羅兆輝早前曾向傳媒表示，家人當中他最疼錫家住長洲的外婆，他除了曾帶同台灣女友林伊凡到長洲探望外婆外，更曾邀請一大班女性朋友到長洲陪外婆打牌。
直至昨日鍾婆婆獲悉羅兆輝刊登了道歉啟事，連日來足不出戶的鍾婆婆，昨日上午九時許終於收拾心情，跟其長洲街坊出外歎一盅兩件。心情不俗的鍾婆婆昨日接受記者訪問時，亦承認看過外孫刊登道歉啟事一事感到十分欣慰。
以下為訪問內容，記：記者 鍾：鍾婆婆
記：婆婆今日心情好好喎？
鍾：係呀，係呀。
記：今日有冇睇報紙呀？
鍾：有睇，我睇咗啦！
記：之前羅兆輝得罪咁多富豪同明星，你咪好擔心？
鍾：梗係喇，佢咁樣。
記：係咪知道外孫喺報紙度道咗歉所以開心呢？
鍾：係呀。
記：咁你有冇同佢聯絡過呀？
鍾：冇呀，我係睇報紙同電視咋。
記：有冇勸佢睇醫生呀？
鍾：老人家唔理得咁多，最緊要個孫好番。
當記者問她是否想見外孫一面時，鍾婆婆想了一會，但未有回答。
直至鍾婆婆見記者拍照時，才開口說：「唔好影啦，講得太多，唔講啦，我要唞吓。」
採訪：汪正文
攝影：陳偉權