肥姐沈殿霞日前進行割膽石手術，經過約五小時的手術，醫生先後為肥姐清除大大細細共三十六粒咖啡色的膽石。肥姐昨日已可進食流質食物，預計她可於今天出院。
肥姐沈殿霞前日在沙田威爾斯親王醫院，接受割膽石的手術，但由於肥姐體內的膽石數量甚多，所以醫生花了約五小時動手術，幸好一切順利。肥姐的新加坡友人、欣宜的契媽鍾太、李香琴（琴姐），昨日往醫院探望肥姐後，表示肥姐可望今日出院返家休息。
琴姐、肥姐囡囡欣宜，以及鍾太先後到醫院探望，鍾太說：「肥姐噚日（即前日）做完手術，夜晚有少少發燒，但都係正常反應。佢𠵱家割咗個膽，就係『冇膽肥姐』。噚日手術，醫生同肥姐割咗大大細細合共三十六粒膽石出嚟，醫生後嚟用個樽裝番啲石畀佢，啲膽石顏色好似啲咖啡豆。」
肥姐剛動完手術，現仍卧牀休息，鍾太又說：「肥姐只可進食流質的食物，佢可以飲湯同食粥水，但以後都唔可以食油膩同太硬嘅食物，怕太難消化。」
欣宜昨日往探媽咪，她說：「本嚟媽咪話想做完手術，醒後可以第一眼見到我，不過當時媽咪要推去另一間房，媽咪同護士講想見Joyce（即欣宜），我聽到都好感動，忍住冇喊，唔想媽咪見到。」琴姐則表示肥姐手術後，精神不錯，二人更在病房中交談。
採訪、攝影：王崇穎